专访｜郭子豪因家境好被看死不忧做：我食屋企慨话就唔会入TVB！
郭子豪（Arnold）拥有模特儿般阳光健硕的外形，初出道时因是A&F首位华人广告男模特儿而份外受到观众的注目。不过出道八年以来他的上位机会一直未算多，直到近年开始受到TVB的重用，在早前的《星空下的仁医》、《十月初五的月光》到现时正播出的《金宵大厦2》和《食脑丧B》都能见到他荣升主演阵容，机会更是愈来愈多。现年已经30岁的Arnold笑言，现阶段最紧要捉紧现在有的机会：「我呢个阶段系应该要搏啲，有好慨机会系应该要好好珍惜。」
Arnold于2014年在英国毕业后回港，加入TVB之前原来做足几手准备去学习如何成为一名演员：「我仲系英国读书做紧A&F模特儿慨时候，我知道TVB会签我，嗰3、4年每次返香港都会喺演艺学院读戏剧，初、中、高班、制作、制片、导演、编剧等课程全部都读齐晒。（艺员）训练班得一个月，实质系冇乜嘢学到，但会好多导师话我哋知人生条路要点样行，但点样处理一句对白，或者点样就机位等等，就真系冇！」
直到现时原来Arnold依然坚持进修学新技能，因为他坚信机会是留给有准备的人，例如早前考了气枪牌结果就连在拍摄新剧《隐形战队》时能够学以致用： 「希望剧同剧中间都可以考样嘢，我觉系做演员需要慨嘢。多咗机会又未必，好多时监制都系畀咗通告我先问我『有冇电单车牌？』，但系机会系留番畀有准备慨人，起码渠问完你你又考咗，咁出嚟慨效果会比冇考好啲！好多预备到而家系未必，要keep住进修，谂住培养多个兴趣，可能之后会学骑马！」
他笑言自己心口挂住一个勇字，虽然怕危险但搏命做到最好：「早排我拍《隐形战队》要开枪射个绑匪，但我一劈落唔知系唔系劈错位，把枪一劈碎咗，啲配件就介落只手掌度，嗰阵只系第三、四个shot，根本冇得停，仲有几版纸喺度等紧你，所以都系贴个胶布十几分钟到止唔到血一直流血，直到啲血留得慢咗，就埋位继续拍喇。我呢个阶段系应该要搏啲，有好慨机会系应该要好好珍惜。」
Arnold除了专注幕前演出之外，去年4月他开始与《食脑丧B》两位好拍档何广沛和方绍聪一同合作经营YouTube频道「食脑BrainStorming」，并不惜夹份在九龙湾租了月租两万的studio，度桥构思、拍片到制作等等全部一脚踢：「演员好多嘢都好被动，有啲嘢可以混多啲我哋慨主动性，就柴娃娃去拍片。系机缘巧合咁啱呢个时势可以做到慨嘢，系好辛苦，咩岗位都做晒，但系好开心，网片都系我哋兴趣，作为演员呢边都系一个演出，亦都丰富到TVB慨演出，可以密集式试好多唔同慨嘢，例如扮下女人啊，可以有好多经验然后放入剧入面。好感恩可以做到自己钟意做慨嘢！」
见证「试当真」、「小薯茄」等YouTube频道崛起，Arnold当然确实令他更加有动力去做得更好：「同渠哋比真系冇可能㗎喇，毕竟渠哋而家好well developed（发展），我哋只系望住渠哋希望可以学到少少，慢慢咁做好，唔会太大压力，由演员所制作慨channel（频道）真系唔多，我哋会努力运用幕后慨朋友、叫朋友repost、crossover等等，相信比起素人做会容易啲，但有难慨地方就系有啲人唔会想睇我哋channel（频道），或者我哋已经定咗形，自问我哋自己都已经定咗自己形，例如叫我系咁拍片爆粗我都唔够胆。」
Arnold初出道以来因为家境不错的关系而被外界标上「有钱仔」的标签，他坦言这确实令他能够勇敢去追梦做自己想做的事，但却同时要更加努力去搣甩外界对他的固有印象：「最初有呢啲标签（唔使做）我系辛苦慨，我系好唔钟意呢个标签，由读书慨时候开始，话我唔使做，即系否定晒我过往慨努力，啲人话我唔洗读书添啦，吓？我咁辛苦读个degree你觉得我唔使读？」
他坦言很感激家人对他的帮助，但同时亦希望靠自己可以有一番成就：「我相信有钱过我慨人好多，我当自己系中间，我好感恩我唔需要一定要去养活屋企，系确实令我有多啲时间同精神去做我钟意做慨嘢，但唔代表我可以游手好闲或者唔勤力，唔代表我做一样嘢系hea，我都可以好认真，我会将渠变成动力。坦白讲如果我真系要食屋企慨话，我就唔会入TVB，唔需要又教gym又搞网片啦！」
四年前他曾经在访问透露当时一个月储2.5万，又表示希望在30岁前结婚，现时的Arnold笑言依然有继续努力储钱，至于结婚则已经准备好，只等待女友邓卓殷点头答应：「我系ready慨！都要尊重番渠慨意愿，大家要好好沟通下先。（对于结婚慨幻想）我细个谂要搞到好似世纪婚礼咁，而家觉得要尊重番对方慨意愿。」
