专访丨卫兰女人四十表露真我：做人不需要那么假！
卫兰（Janice）的歌声，有一种力量，当你难过的时候，可以为你疗养，当你孤独的时候，听歌是最好的陪伴，有乐迷在她的MV留言：「Janice把声真的可以安抚人的心灵！」
唱了18年歌的卫兰，能为乐迷拂走纷扰的思绪，她很满足：「我觉得音乐就系有医治慨能量，希望透过我把声可以安慰渠哋，打动到渠哋慨心，畀佢哋减压。」
卫兰希望透过音乐帮人，就算只帮到一个，都是成功的，而她不开心的时候，亦是靠音乐减压，「我有时会唱歌，但大部分会听歌，听纯音乐。唔开心时，我会先安静自己，会搵朋友倾偈，或者画画，但我好耐冇画画了，听歌或做gym或食嘢，其实都系呢啲慨方法。」
现在疫情放缓，卫兰可以重踏她最爱的舞台，将于7月9-11日假红馆举行《Janice Be Still Live 2022》，刚好今年的她踏入女人四十，「喺呢段时间，疫情当中可以开演唱会非常感恩，就算细型啲慨台，都唔系太多机会踏上，自己可以去到红馆，好开心感恩。40岁慨我比以前更加开心，更加有信心，更加表露到真实慨自己，就算音乐上都会听到我慨转变，好开心公司畀好大自由，可以摆多啲自己慨嘢出嚟，而唔系框住要唱一种类型音乐，可以探索唔同类型音乐，好似啱啱开始慨感觉。」
今次是第5次在红馆开show，卫兰希望乐迷看到未见过的自己，「旧作品有新编曲，每部份带畀大家唔同情绪，有啲弦乐部份，同埋好多嘉宾，应该好正。」
「因为最近我开始上唱歌堂，跟咗一个老师，渠执咗我好多以前唔知慨唱歌坏习惯，发现原来可以唱得更加放啲，好期待大家听到卫兰点唱以前慨歌，希望大家有惊喜。」在乐坛唱歌担当的卫兰，入行18年了，原来依然有学唱歌，「有呀，呢样嘢唔停得，声底永远有空间去进步，同埋要keep住去磨练。我唔知其他歌手，但我知自己需要keep住，因为广东话好多咬字令到声带扁咗，点样调校唔变系有一种方法，我都期待用学识咗慨嘢攞上台去唱。」给自己很大压力？ 「唔系压力，自己可以做得最好去做，每次做show都有少少压力，因为想畀最好慨大家，所有嘢都令到我挑战自己去面对，亦都去享受。」
那些年，不论男女歌手开骚都努力减肥keep fit，但现在时代变了，还有《肥美人》选举，卫兰是否不再计较外型问题呢？ 「其实我喺体力上想透过运动去做得更加好，自己希望靓声又样靓，所有嘢一个package for观众，呢个系我想要慨嘢，而冇人迫我去做。」现在肥瘦对你冇任何影响？ 「都冇乜，自己知道而家系最fit状态，当我越嚟越强壮时候，越嚟越对自己有信心。」
卫兰的信心，来自对她最重要的音乐，「因为由细到大，音乐都系我接触慨嘢，爹哋又系音乐人，渠家族都系玩唔同乐器又唱歌，自己好似唔识其他嘢，只系识关于音乐慨嘢，我觉得好感恩，继续可以做到音乐。」卫兰的爸爸Joey Vidal是菲律宾人，80年代来港发展，在尖沙咀酒吧当驻场结他手。
小时候的卫兰，已经在爸爸教导下学唱歌，其后跟随父亲脚步，曾在酒廊做驻场歌手，声音甜美的她，曾以「Renee」之名参与和音，2000年更以艺名「明乐蒂」参加TVB《英皇超新星大赛》，但无缘夺冠。其后由雷颂德安排她为黎明唱和音，结果获赏试成为Amusic歌手。
2004年出道的卫兰，当时23岁的她横扫乐坛新人奖，入行多年拥多首经典歌：《十个他不如一个你》、《大哥》、《一场误会》、《心乱如麻》、《My Love My Fate》，2007年首踏红馆举行处女演唱会，2009年获最高销量本地女歌手大奖，走上高峰的她，其后事业进入樽颈位，2015年转投华纳唱片。
娱乐圈竞争激烈，去年卫兰亮相Viu节目《歌手‧门》回想人生低潮，坦言这行当你红的时候，很多人想跟你做朋友，当你跌得好低的时候，别人好像唔识你，「一定经历过好多呢啲，呢行咁现实，开头有少少惊讶，但后来觉得系咁啦，嗰排好红时，有啲人好想做你朋友，但当你跌咗当唔识我，当望唔到我，当我隐形，我遇过好多次，呢啲当经验，冇得唔开心，呢个系我自己旅程，其他人唔明白，唔可以计较人点睇我，我自己唔会咁，就算你红定唔红，我都会nice，做人唔需要咁假。」
看尽人情冷暖，卫兰靠自己重新站起来，「专注自己工作，唔好望左又望右，望前面慨工作，做好自己就得，唔好谂得太深。」在不开心的时候，自己要坚持找到平静和安定，「其实系会有挑战，我觉得每位艺人同歌手都有独特地方，有渠哋特别慨magic，我要记得有啲嘢大家冇慨，其他歌手有慨嘢我系冇，每一个都有独特慨声线。」
至于自己的magic，「我希望我把声、我慨性格同音乐，同埋带出慨讯息，有更加深层一啲慨话题；最近筹备全女班底专辑，同唔同女性音乐人合作，有啲系新一代，有啲系前辈，我啲歌想表露女人慨心态同世界。」keep住高峰好大压力？ 「唔想太过捉紧呢样嘢，尽量做好自己本份。」
